شركة BLS تعلن الحرب على “شناقة” مواعيد شنغن ونظام أمني جديد لحجز المواعيد بالمغرب ابتداءً من يوليوز 2026.
بقلم: عرفة القاطي اليملاحيأعلنت شركة “BLS International” المكلفة بإدارة طلبات تأشيرات دخول الفضاء الأوروبي شينغن في المغرب عن إطلاق منظومة أمنية ورقمية جديدة. الهدف: إنهاء الفوضى والمضاربة اللي طالت حجز المواعيد وبيعها في السوق السوداء.
جات هاد الخطوة بعد تصاعد الشكاوى من المواطنين بسبب سيطرة شبكات “السماسرة” وتطبيقات الروبوتات اللي كتحتكر المواعيد نهار تطلق وكتعاود تبيعها بأثمان خيالية.
شنو فيه النظام الجديد “Multi-layer Integrity System” ؟
1. حماية رقمية مشددة للبوابة:
– CAPTCHA متطورة: أشكال جديدة للتمييز بين الإنسان والروبوت ومنع الحجز الآلي التلقائي.
– التوثيق بـ OTP: كل موعد خاصو يكون مرتبط برقم هاتف شخصي. كيوصلك رمز سري لمرة وحدة باش تأكد الهوية.
– خوارزميات التتبع اللحظي: رصد أي تصفح مشبوه وتجميد الـ *IP Address* اللي كيحاول يدير حجوزات مكثفة ومترادفة.
2. ضوابط وتدابير ميدانية داخل المراكز:
– مطابقة الهويات صارمة: فاش توصل للمركز غادي يطابقو المعلومات ديال الاستمارة الإلكترونية مع الوثائق الرسمية جواز السفر والبطاقة الوطنية. أي تضارب = إلغاء الموعد مباشرة.
–تفكيك شبكات الوساطة: تشديد الرقابة الإدارية والميدانية داخل مراكز استلام الملفات بكل المدن المغربية، خصوصاً في فترة الذروة ديال الصيف.
